好運泰國美食

营业中

休息中

餐厅位于新蒲岗商场，系你我身边都有一个，补习社小食舖餐厅林立嘅街坊商场。搭扶手电梯上到去，第一下揾唔到间舖头，兜咗个圈。近向下嘅扶手电梯，门口有个大鱼缸嘅就系啦。原来舖头一半系泰国菜，一半系日本菜，直程可以日式饺子配泰式奶茶，不过今日嘅Mood系想食泰国菜。嗌完食物之后，好快就上到菜。小食要左炭烧猪颈肉，份量都几多。汁有少少似泰式酸辣酱加罗汉子酱，偏酸食到尾后劲都少少辣，不过唔点汁本身都好够味，调味够，有蒜香味。食泰国野一定会叫炒通菜架啦，要左个泰式炒通菜。份量都几多下，啱啱炒起热辣辣，但唔会炒到老哂，保留到菜嘅脆口。唔系好食得辣嘅都唔怕，辣度都有得拣，叫咗BB辣。啱啱好嘅辣，配上咸香嘅豆酱味，好惹味。香叶辣椒肉碎炒饭，都系拣咗BB辣。大概1.5碗嘅份量，呢个价钱嚟讲好少地方做到了，更唔使讲系泰国菜。肉碎、豆角粒、香叶加埋，增加左口感。泰式炒饭系偏湿身嘅，但都好有镬气。芒果糯米饭，有六个小糯米球，配上芒果，卖相好靓。糯米饭食落原来系热嘅，椰汁都系有落盐𠮶种，够正宗。芒果甜甜地配埋一口一件嘅糯米饭，为呢餐画上完美句号。