影片
更多
2024-02-08
258 浏览
约咗朋友嚟佐敦交收，趁空档喺附近食个午餐。喺两𩠌饭隔个舖位见到有间「山水清汤腩」，门面光鲜企理，内在环境舒适，一于入去揾个位坐低。点咗碗清汤崩沙腩河 ($58)，汤底好清甜，入口满满牛香，滋味有层次。崩沙腩肥瘦刚好，肉质软腍；河粉好滑，就算浸耐咗都唔会发胀，绝对值得畀个 like！扎肉伊面 ($41) 扎肉厚切，肉质结实，味道唔会过咸。伊面煮得啱啱好，烟韧又不会过腍，仍然有少少咬口。鲜虾净云吞 ($43) 云吞劲大粒，馅料饱满，内有猪肉同鲜虾，皮薄馅丰，足料又抵食！牛肉羹 ($39) 牛肉羹好有特色，以人手炮制，size 大小不一，肉质滑溜又弹牙。汤底落咗好多姜丝，碗内还有两大块萝卜，入口清甜又无渣。跟餐饮品点咗热柠茶同热奶茶，原来热饮、冻饮都系+$8，非常实惠。
约咗朋友嚟佐敦交收，趁空档喺附近食个午餐。喺两𩠌饭隔个舖位见到有间「山水清汤腩」，门面光鲜企理，内在环境舒适，一于入去揾个位坐低。
点咗碗清汤崩沙腩河 ($58)，汤底好清甜，入口满满牛香，滋味有层次。崩沙腩肥瘦刚好，肉质软腍；河粉好滑，就算浸耐咗都唔会发胀，绝对值得畀个 like！
扎肉伊面 ($41) 扎肉厚切，肉质结实，味道唔会过咸。伊面煮得啱啱好，烟韧又不会过腍，仍然有少少咬口。
鲜虾净云吞 ($43) 云吞劲大粒，馅料饱满，内有猪肉同鲜虾，皮薄馅丰，足料又抵食！
牛肉羹 ($39) 牛肉羹好有特色，以人手炮制，size 大小不一，肉质滑溜又弹牙。汤底落咗好多姜丝，碗内还有两大块萝卜，入口清甜又无渣。
跟餐饮品点咗热柠茶同热奶茶，原来热饮、冻饮都系+$8，非常实惠。
张贴
