羊鞍餐廳

营业中

休息中

曾经，香港有好多间港式扒房，最怀念系热辣辣嘅铁板餐配上一杯港式特饮，真系充满童年回怀。依家，香港嘅港式扒房越嚟越少，但原来出名食泰国嘢嘅九龙城仲有港式扒房架。今日我哋就嚟到九龙城羊鞍餐厅，唔好以为叫羊鞍餐厅就只系食羊，餐厅仲有好多选择呀！叫咗两份扒餐，店员就先送上餐汤同多士。特别钟意餐厅嘅罗宋汤，汤底浓郁，材料丰富，非常开胃。铁板餐嘅滋滋声确实非常治愈，淋埋黑椒汁上去，真系未食已经觉得好吸引呀！杂扒有牛扒、猪扒、烟肉、鸡翼同台式肠，至于配料就有粟米、薯角同车厘茄等等，份量十足，非常丰富！除咗铁板餐，餐厅亦有碟上嘅扒餐。呢个1855安格斯西冷牛扒襭9安士，牛扒厚身，肉味香浓而肉质软腍，呢个价位，确实抵食。平日食铁板餐，仲可以免费upgrade饮特饮，我哋就叫咗一杯雪糕红豆冰，生熟红豆比例啱啱好，非常软绵却又有口感，但就略嫌甜咗少少。