潮盛館

营业中

休息中

呢间平民潮州小店，价钱亲民，份量十足!我哋叫咗小食双拼、金砖豆腐、韭菜猪红、椒盐鲜鱿、腊味油鸭煲仔饭同虾酱炒通菜🥢小食双拼$88，拣了鸭舌同猪耳，鸭舌爽口有酒香，够入味。猪耳爽脆，系一个抵食嘅开胃小食。金砖豆腐$68炸得金黄香脆，豆腐滑嫩，外脆内软！韭菜猪红$68猪红够滑，韭菜够香，汤底浓郁，系潮州菜嘅经典之作！椒盐鲜鱿$138鲜鱿炸得够脆，唔会韧，椒盐味香浓，份量都几多。虾酱炒通菜$108虾酱味香浓，通菜爽脆。腊味油鸭煲仔饭$108系今晚嘅highlight！饭底金黄香脆，腊味同油鸭嘅香味渗入饭粒，油鸭肉质松软够咸香，腊味够味，秋冬食啱哂！