影片
更多
2019-08-20
1279 浏览
成日出街食饭，唔系打边炉就烧烤，真系要食返清啲，要Detox下，食素就啱晒啦！铜锣湾登龙街嘅放下素，以亲民嘅价钱为大家带嚟素食自助餐，午市由$58起，而晚市则由$108起，有80多种唔同嘅食物选择！餐厅以简约为主，餐具每人一份，一方面保护环境，减少洗碗碟嘅水，另一方面减少食物浪费。另外，餐厅跟雇佣学腹腔人士，协助弱势社群就业，真系好有意义！食物又真系几多选择，分中式同西式，有汤，糖水，前菜，沙律吧同炸物等。前菜开胃前菜嘅选择都几多，有冰镇秋葵、冰镇菜心、凉拌青瓜云耳、凉拌红薯粉同凉拌莴笋。秋葵同菜心都非常新鲜，点埋芥末豉油，好清新！另外，凉拌青瓜云耳，味道酸甜，非常开胃！炸物无谂过呢度嘅杂物选择都几多，有炸素蚝、南瓜天妇罗同茄子天妇罗。啱啱新鲜炸起，外皮香脆。𠮶素蚝真系几似！另外仲有香煎萝卜糕，萝卜味香浓，口感软绵绵得嚟又唔会太厚粉，正！中式主菜有超过10款嘅中式主菜，其中包括：凉瓜炒蛋、手撕包菜、四季豆炆茄子、豉油王杏包菇、黄金角炆素鸡、哥哥做罗汉、咕噜面筋、冬瓜豆卜、粉丝娃娃菜同香菇粟米炒饭等。我哋A姐M佬首推凉瓜炒蛋，滑蛋炒得好香，凉瓜清热解毒。另外，粉丝娃娃菜好有惊喜，粉丝同娃
餐厅以简约为主，餐具每人一份，一方面保护环境，减少洗碗碟嘅水，另一方面减少食物浪费。另外，餐厅跟雇佣学腹腔人士，协助弱势社群就业，真系好有意义！食物又真系几多选择，分中式同西式，有汤，糖水，前菜，沙律吧同炸物等。
前菜
开胃前菜嘅选择都几多，有冰镇秋葵、冰镇菜心、凉拌青瓜云耳、凉拌红薯粉同凉拌莴笋。秋葵同菜心都非常新鲜，点埋芥末豉油，好清新！另外，凉拌青瓜云耳，味道酸甜，非常开胃！
炸物
无谂过呢度嘅杂物选择都几多，有炸素蚝、南瓜天妇罗同茄子天妇罗。啱啱新鲜炸起，外皮香脆。𠮶素蚝真系几似！另外仲有香煎萝卜糕，萝卜味香浓，口感软绵绵得嚟又唔会太厚粉，正！
中式主菜
有超过10款嘅中式主菜，其中包括：凉瓜炒蛋、手撕包菜、四季豆炆茄子、豉油王杏包菇、黄金角炆素鸡、哥哥做罗汉、咕噜面筋、冬瓜豆卜、粉丝娃娃菜同香菇粟米炒饭等。我哋A姐M佬首推凉瓜炒蛋，滑蛋炒得好香，凉瓜清热解毒。另外，粉丝娃娃菜好有惊喜，粉丝同娃娃菜都吸晒高汤味，好入味！
西式主菜
西式主菜嘅选择比中式少，但系贵精不贵多，其中包括：拿破仑薄饼、苏格兰蛋、自制素汉堡扒热香饼、咖喱薯饼、燕麦提子曲奇同英式薯角等。拿破仑薄饼，热辣辣，饼底薄脆，番茄酱好香，正。黑松露意粉，黑松露味浓。苏格兰蛋，以紫薯除渣外皮包着蛋，味道甜甜的，不错。
汤
特别欣赏呢度有中汤同西汤嘅选择。木棉花冬瓜汤，清热去湿，不过味道比较淡。西汤就系南瓜汤，南瓜味香浓。
甜品
呢度最特别就系有自制干果，仲有部机喺度俾大家睇住佢整，将新鲜嘅水果抽走水份，成为水果干，味道清甜！另外，仲有心甜意合糖水、姜醋蛋、自制凉粉捞同生果，真系好多选择！
（记住Like同Share畀朋友）
张贴
