紅橋

营业中

休息中

想食西餐唔一定要去高级餐厅，太子有间小店以平民价格提供多款经典西式料理，意粉饭汉堡牛扒等样样有齐，大件夹抵食，每两日更新菜单唔怕大家食到厌，推介俾附近返工嘅OL们👍精选套餐A-G，奉送餐汤同饮品，另可加钱要前菜同小食。汤品中西各一，中汤味清，西汤浓稠、前菜为巴拿马火腿杂菜沙律，味道咸香，搭配芝麻酱更加开胃。小食有鸡翼同虾多士，前者涂满蜜糖，后者炸至脆身，值得加点。主食有牛扒配蒜香罗勒酱烩意大利粉，牛扒够大块，肉质嫩滑，啖啖肉好过瘾，意大利粉蒜香味浓，食完个口好臭好正💩 另有黑松露忌廉海虾烩意粉，呢款味道偏淡，淡淡黑松露香气，入口Creamy。饮品反而值得一试，红豆冰无论系卖相或味道都有惊喜，姜汁梳打正常发挥够解渴。