宗像屋 (已結業)

阿妹好早就系网上book咗呢间铺嘅dinner omakase, 佢只系接受上网预约900几蚊两个人。唔接受walk in。𠮶日我哋约咗6点，可能太早只系得我哋呢一枱客。咁样好似自己包场㖭😂。全场得一个员工同埋一个寿司师傅。一个钟上齐嘢再加埋由员工讲解下食物，感觉上时间都系有少少赶。我哋食到最后，下一组客人到咗，我哋仲食紧嘢。场面好似有少少唔知点。讲返食物先，成餐饭印象最深刻系个三文鱼籽，食落好有柚子嘅清新味，之前系未谂过三文鱼籽同柚子可以咁夹，同埋粒粒鱼子系口爆开嘅感觉，好正。个蚝就都算可以，但太削，唔够肥美。虾寿司就虾肉够弹牙坚大只，一啖系食唔晒。海胆就有少少苦味。吞拿鱼卷油脂分布得好好，食唔到有筋，入口即溶，好味。整体嚟讲，呢个价钱呢个质素都算系okay la。