Café&Meal MUJI (已結業)

好友相聚，唔好讲甘多，揾返个地方食晚饭。铜锣湾Care & Meal MUJI楼底都算，座位同座位间距离感够，空间感尚算不错，同朋友倾偈吹水系一个唔错的选择。晚上七点几，食客唔算太多，一走入餐厅，即有职员安排座住，不过点餐就要移玉步到柜枱下单、取餐。职员服务殷勤、有礼，训练有素，值得一赞。下单就到柜枱前，隔住玻璃柜挑选食物，然后到收银处俾钱。呢日叫左个3主食套餐，包套汤，十谷饭，份量对我黎讲就岩岩好，如果胃口大d的朋友就可能未必够。而佢地另外仲有4主食套餐，同其他选择。呢几日秋风起，个人好干涸，一黎先饮个汤滋润下个喉咙仔先。汤微温，汤底浓淡相宜，味精感唔算重，汤料有椰菜、红萝卜、海带等材料几足，表现平稳。叫左十谷米，好惊喜，d米饭绝对粒粒分别之外，仲非常有质感同口感，软棉QQ中又有d咬口，仲带有米香，几好。黎到主角，叫左「冬菇冬瓜」冬瓜尚算水份充足，整得几好无铁腥味，味道平平淡淡，清热下火之选; 「芒果露笋沙律」d芒果几酸下，又未出到平均成个沙律味道的层次，少少败笔，不过沙律的材料都几新鲜就真; 「冰蕃茄」出乎意料，一啖咬落去，成粒酱爆大牛丸甘，d汁咇鬼晒出黎，太juicy了，而个日式