影片
更多
2023-06-18
656 浏览
#搞串个pantry上次食左间传统港式扒房💕，今次就去左试一间#铜锣湾 、#中环 、#何文田 、#沙田 都有分店嘅美式扒房🥩！呢间餐厅主打#平铁牛扒 ，仼食薯条🍟，店内装修简约时尚。今次就嗌咗香草平铁牛扒($175)、是日特别版招牌平铁牛扒($248)。平铁牛扒据说即系牛肩膀对上嘅肉🤯，据称系第二嫩滑嘅部位🧐。香草平铁牛扒🌟🌟🌟呢个扒叫咗五成熟，上菜嘅时候已经切好一块块🍽️，成块牛扒似用烤焗方法整🔥，外层比较焦硬，里面嘅肉保持住粉红肉色。呢个熟度，食落口嫩滑😜，但里面有啲筋，食落口会有啲韧，整体感觉其实有少少似自助餐上面嘅烤牛肉🤨。味道方面，牛扒有淡淡的胡椒同埋盐嘅味道，牛味唔算浓郁。同碟上面仲有一嚿焗蒜头🧄，啲旧焗蒜头可以再焗耐少少，因为佢食落口仲系有啲偏硬，如果再腍啲，会再好食啲😋。是日特别版招牌平铁牛扒🌟🌟今次呢个招牌平铁牛扒，淋上一种特制嘅酱汁，个酱汁有少少甜，亦都有少少辣🌶️。牛扒方面，系两块比较薄嘅牛扒，冇得拣熟度。牛扒食落去肉质好似普通蜜糖牛柳粒入面嘅牛柳，感觉冇乜特别🤨。反而个酱汁味道几好，令块牛扒变得好食咗。任食薯条🌟🌟🌟🌟同大部份其他扒房嘅任食薯条一样，都系幼直身薯条🍟
上次食左间传统港式扒房💕，今次就去左试一间#铜锣湾 、#中环 、#何文田 、#沙田 都有分店嘅美式扒房🥩！呢间餐厅主打#平铁牛扒 ，仼食薯条🍟，店内装修简约时尚。
今次就嗌咗香草平铁牛扒($175)、是日特别版招牌平铁牛扒($248)。平铁牛扒据说即系牛肩膀对上嘅肉🤯，据称系第二嫩滑嘅部位🧐。
香草平铁牛扒🌟🌟🌟
呢个扒叫咗五成熟，上菜嘅时候已经切好一块块🍽️，成块牛扒似用烤焗方法整🔥，外层比较焦硬，里面嘅肉保持住粉红肉色。呢个熟度，食落口嫩滑😜，但里面有啲筋，食落口会有啲韧，整体感觉其实有少少似自助餐上面嘅烤牛肉🤨。味道方面，牛扒有淡淡的胡椒同埋盐嘅味道，牛味唔算浓郁。同碟上面仲有一嚿焗蒜头🧄，啲旧焗蒜头可以再焗耐少少，因为佢食落口仲系有啲偏硬，如果再腍啲，会再好食啲😋。
是日特别版招牌平铁牛扒🌟🌟
今次呢个招牌平铁牛扒，淋上一种特制嘅酱汁，个酱汁有少少甜，亦都有少少辣🌶️。牛扒方面，系两块比较薄嘅牛扒，冇得拣熟度。牛扒食落去肉质好似普通蜜糖牛柳粒入面嘅牛柳，感觉冇乜特别🤨。反而个酱汁味道几好，令块牛扒变得好食咗。
任食薯条🌟🌟🌟🌟
同大部份其他扒房嘅任食薯条一样，都系幼直身薯条🍟，食落口脆度软硬度适中，炸到啱啱好。因为叫咗是日招牌平铁牛扒会送一款特制酱料比你点薯条，呢款酱偏辣，但非常惹味🤤！
大家如果想试下特别啲嘅牛扒部位😊，都可以嚟试吓㗎。呢度除咗有牛扒，仲有猪肉🐷可以拣。
张贴
