十下火鍋

终于去咗抵食又好味嘅人气火锅店--十下火锅，长期爆满，大家要食就要提前book定位啦☺️非常推介佢嘅二人餐，款式多，劲足料，真系好抵食，连汤底都可以拣鸳鸯锅，必定要试佢嘅十下麻辣锅，唔算好辣，但越食越香，而且入面有鸭血同冻豆腐，好好味😋另外叫咗木瓜蕃茄鲜鱼汤，真系有半条鱼系入面，真材实料👍🏻套餐仲包大刀手切本地牛颈脊，肉质嫩滑又有牛味，当日觉得最好味嘅就系佢🤤而且份量都唔少，就算唔拣套餐，都一定要叫一份食呀。肉类仲有花雕醉鸡，酒味唔会好浓不过肉质好嫩。个人认为套餐第二好味嘅系十下三宝滑，除咗虾滑同墨鱼滑，仲有好特别嘅发财蚝豉牛筋滑，三样我都钟意。而凤城水饺都非常出色，入面嘅虾劲弹牙。丸类都好丰富，有好香嘅陈皮鱼蛋同埋真系爆浆嘅贡丸。食到呢度已经好饱啦，但套餐仲有炸响铃，同埋好丰富嘅蔬菜拼盘，两个人根本冇可能食得晒，仲有饮品可以拣一大扎嘅洛神花茶，好解渴👍🏻