影片
更多
2023-06-13
93 浏览
自从上次去大棠睇红叶之后都好耐无入过元朗。对于一个九龙人，入元朗系一件好遥远嘅事。不过最近有朋友搬入咗元朗住，今日趁放假入去探佢同埋顺道揾好嘢食。元朗朋友首先带咗我去佢新屋附近一间餐厅医肚仔先。外表睇落去平平无奇嘅一间茶餐厅，入到去竟然系大排档布局嘅港式小厨。几张大圆枱配上几张卡位，份外亲切兼有风味。餐牌上价钱都十分亲民，夸张啲讲，可以用「抵到烂」嚟形容。餐牌上每个菜式都好有特色，系一般大排档食唔到嘅。我同我朋友两个人叫咗三个𩠌。分别系伙计介绍嘅镇店烧鹅，冰震脆脆菠萝咕噜肉同椒盐鲜鱿。先讲讲呢度烧鹅先，餐厅名叫得「烧鹅小厨」，唔洗讲烧鹅一定系佢哋嘅「撚手」招牌菜，我哋叫咗一份下庄烧鹅（$148）。烧鹅卖相好吸引，食落去块皮烧得啱啱好，脆口同鹅香味融入块皮。鹅肉同脂肪比例刚好，肉质嫩滑亦不乏鹅油香。食到停唔到口。之后到冰震脆脆菠萝咕噜肉（$118），上枱嘅外表拍得住五星级酒店中菜厅，薄薄嘅烟雾配以鲜艳嘅咕噜肉，令到成个菜式升华。外面冰冻而脆脆嘅外皮，内里系温暖嘅咕噜肉，夏天食就更加开胃。另外仲有一直冰镇住嘅新鲜菠萝，真系愈食愈开胃。最后就系椒盐鲜鱿（$98），份量好大份，餐厅唔系用鱿鱼须
元朗朋友首先带咗我去佢新屋附近一间餐厅医肚仔先。外表睇落去平平无奇嘅一间茶餐厅，入到去竟然系大排档布局嘅港式小厨。几张大圆枱配上几张卡位，份外亲切兼有风味。
餐牌上价钱都十分亲民，夸张啲讲，可以用「抵到烂」嚟形容。餐牌上每个菜式都好有特色，系一般大排档食唔到嘅。我同我朋友两个人叫咗三个𩠌。分别系伙计介绍嘅镇店烧鹅，冰震脆脆菠萝咕噜肉同椒盐鲜鱿。
先讲讲呢度烧鹅先，餐厅名叫得「烧鹅小厨」，唔洗讲烧鹅一定系佢哋嘅「撚手」招牌菜，我哋叫咗一份下庄烧鹅（$148）。烧鹅卖相好吸引，食落去块皮烧得啱啱好，脆口同鹅香味融入块皮。鹅肉同脂肪比例刚好，肉质嫩滑亦不乏鹅油香。食到停唔到口。
之后到冰震脆脆菠萝咕噜肉（$118），上枱嘅外表拍得住五星级酒店中菜厅，薄薄嘅烟雾配以鲜艳嘅咕噜肉，令到成个菜式升华。
外面冰冻而脆脆嘅外皮，内里系温暖嘅咕噜肉，夏天食就更加开胃。另外仲有一直冰镇住嘅新鲜菠萝，真系愈食愈开胃。
最后就系椒盐鲜鱿（$98），份量好大份，餐厅唔系用鱿鱼须，而系用一块块嘅鲜鱿鱼去泡油，食落非常惹味同爽口。
呢间餐厅好多特色小菜，入到去周围都系食物相，下次要揾多几个朋友一齐试多几款先得。
聚丰烧鹅小厨
地址：元朗横洲路9号朗晴邨青朗楼地下1号舖
张贴
