芽莊越式料理

营业中

休息中

约咗朋友聚旧，佢拣咗旺角东地铁上嘅越南菜，餐厅名叫芽庄，应该系越南其中一个城市，可能有唔少特色菜。平日不算人多，唔使等位便入得，都几好。厚厚的一叠餐牌，食物种类好多，价钱亦都合理。我哋叫咗春卷做头盘，$70 有三条，可以分到六大件都几抵食。上枱热辣辣又足料，可惜系皮唔够脆，有少少痴牙。用来包春卷个菜都几大盘，有生菜同薄荷叶，诚意十足。河内番茄蟹檬 $75，汤底有丝丝蟹肉都几好味，甜酸度适中又够大碗。材料主要系鱼蛋片，鱼蛋同一件蟹。其实啲𩠌唔系好掂，可以不理。但蟹肉汤底和檬粉是很 good 的。另外仲叫咗炒芥兰，煮得过熟唔好味，个汁又冇特别，失败之作。最后是烧鸡，味道不错，成碟清晒。食物水准可以，而且座位阔落，枱同枱之间佢哋都够远。可惜后来开始多人，可能设计问题或者楼底唔够高，餐厅都真系几嘈，好难先倾到计，无瘾。