皇廷大酒樓 (已結業)

复活节假期抽一天时间约埋表姐一齐去探外公。上到外公屋企唔够五分钟，就去饮茶。佢提议行去皇廷，当系散步。咁老人家都话行，后生既都冇理由唔行啦！沿住坚尼地道一直行落山，行到身水身汗，终于到达。假期既食饭时间竟然得好少人。或者外公是熟客的关系，侍应安排我们坐入房。坐落开了茶，做后辈既当然把menu交给外公由他发板，佢就点了几个点心和最喜欢的干炒牛河。点心分别是牛肉、韮菜饺、凤爪以及油菜。几个点心冇样掂。牛肉好散好古怪，亦唔好味；凤爪明显系雪藏货，无鲜味可言。韮菜饺既皮好厚，馅料唔多；连最基本既菜心都太硬，仲有"渣"，水准真系低得彻底。至好系个碟干炒牛河，起码够味道，但亦唔称得上系有水准。埋单几十蚊，真系几平，不过就食唔到好野。连外公都话，呢间野得个平字，但食物比起近湾仔地铁站间东丸就差好远。