來多客

营业中

休息中

年30晚, 放早工, 好早就同娘亲去战花市, 战完界限街又战摩士, 花市少少野食实在食我地唔饱,番番去黄黄大仙蒲岗村, 发觉来多客仲有宵夜食, 而且仲唔收额外费用, 于是谂都唔谂, 决定开始新春增肥计划action Go!我地黎到其实都十点, 要食梗系食宵夜, 贪平D 呀嘛, 跟餐又可配餐饮或者甜品, 要求唔高其实都算可以, 当然唔好期望系上上品啦。我同娘都叫左一人一碗宵夜罗宋汤米线配香茅鸡翼, 罗宋汤唔好期望要好浓牛尾味喇, 港式罗宋汤有些少菜, 有少少肉已经收货了。而米线也OK, 唔太淋要弹的是碗罗宋汤唔够热。至于鸡翼, 稍为炸得老了点, 过了火气。但38元包甜品, 算不过不失吧。