泰海鮮 (已結業)

上星期六我同女友光顾泰海鲜，因为冇自带海鲜去加工，只系点佢哋嘅二人套餐$7XX！我见餐单有龙虾、鲍鱼，就试下啦，其实我都冇乜期望，因为我喺香港食海鲜，多数都系有俾人厄嘅感觉。点知喺呢间酒家，白灼海虾一到就有惊喜，啲虾都算大只，有鲜味; 然后到鲍鱼，有4只 (我以为只系得两只); 虽然只系得一只龙虾，中等size开边，用芝士脆焗，特别惹味。成个套餐嘅食材绝对新鲜，份量足够，服务亦好好。短期内一定会再去。