家後

营业中

休息中

餐厅老板好有心思，除左售卖饺子、饭面，仲有多款下饭小食，而且最意想不到既系，竟然有手作日式甜品。晚市7点，已经坐满人，座位舒服，亦有唔少人买外卖。叫左双拼煎饺($40，双拼加2)，跟套餐有饮品及饭团($15)，家后鲜大肠羹($35)，日式炸鸡($25)，卤水鸡肾($20)，日式手作芝士蛋糕($20)。煎饺只只饱满，煎得好靓，就咁望已经见到焦脆状况。一咬，d肉汁爆哂出黎，而且香口得黎唔油腻。仲可以配搭自家制辣辣菜脯，先爽口，后带辣，口感更佳。另外仲有唔常见又特别既款式如芫茜、洋葱，迎合唔同人既口味。韭菜猪肉饺够香，饺子皮薄。云耳椰菜猪肉饺清甜，云耳椰菜爽脆，猪肉肥瘦合宜。饭团自家制造，日本米粒粒都混和带甜既日本酱油。特别系米饭同配料系一齐混合，再人手捏成三角形，所以啖啖都食到饭及配料。牛篣清爽，饭唔会过软。估唔到价钱亲民，劲大碗，而且用料十足。选用既新鲜大肠清理得好干净冇异味，属靭身少少既口感，爽。其他配料有猪红、豆腐、肉丝等，每羹都系𩠌。自己食一碗，系超级饱肚。个人非常钟意大肠既口感，平时好少食到。炸鸡有大4件，肉嫩有肉汁。炸粉唔厚，而且炸粉混有d调味料，香口唔腻。钟意可以配埋甜酸辣酱