太子酒店大堂酒廊 (已結業)

9.8.2008早前，我哋八婆一族再度出击，今次系小岚介绍嘅，佢有member card，所以有8折。今次喱个系半自助餐，头盘 & 甜品系自助，再加4选1嘅main course。佢头盘嘅沙律唔错，好多嘢拣，而且用料算新鲜。餐厅送上松软 & 热辣辣嘅面包，再加橄榄油 & 黑醋，好味！仲有，个汤都好正，系白汤嚟嘅，里面好多料，又有洋葱，好似有啲燕麦嘅嘢(I'm not sure)，总之好饮喇！我个main course拣咗香煎海舫鱼柳伴苋菜 & 香槟鱼子汁，冇我想像中咁好味，可能食得太多沙律，哈哈！但鱼质都好滑。而甜品选择唔多，我只食咗个什果挞 & 同一杯类似chocolate + raspberry嘅甜品，不过不失，唔会有太大惊喜。讲环境，间餐厅都算唔错，因为唔会太多人，仲有音乐伴奏，都几舒服，如果拣sofa位，更佳。但我觉得service一般，可能唔够人手，成日都揾唔到waitress，叫佢哋加水，有时都唔记得。