割烹 櫓杏 (iSQUARE國際廣場)

营业中

休息中

有一次係尖沙咀附近做嘢，lunch time時間見其他同事都想食呢間就入去食lunch。【割烹 櫓杏】呢個名好特別，一聽就知道係食高檔日本菜。呢度嘅裝飾擺設好有特色，睇落好有日本風格，有多款日本酒，仲有好可愛嘅熊本熊擺設。餐單上嘅lunch set有好多選擇，選擇困難症之下就向店員詢問咗意見，店員就推薦咗佢哋嘅經典set【壽司六件及天婦羅】，價錢亦唔算好貴，餐牌上睇都幾多嘢食，最後就決定叫呢個set。呢個Set入面好多配料，仲有烏冬同茶碗蒸，當然仲有主角壽司同天婦羅。壽司有六件，每件都吸引，一啖一件，刺身都幾新鮮，唔會有異味，魚肉都幾滑幾嫩，海膽鹹中帶甜，口味非常豐富。天婦羅嘅炸物種類亦好多，炸粉幾薄身，都好脆口，炸完仲保留住食物嘅原味。望落去個set唔係好大份，估唔到食完都幾飽，我自己係幾滿意，下次去開尖沙咀再同同事嚟試吓其他lunch set先。