釜山商會

今日行过尖沙咀呢条街，原来都几多韩国餐厅，见到呢间食釜山美食嘅韩国餐厅，又几特别，好少见有食釜山食品嘅餐厅，所以就入去试吓。首先系6小碟嘅前菜，每款都好好味，好正宗。龙头山塔辣猪骨锅呢个系佢地招牌菜，紧系要叫黎试吓啦，上菜果时都几有气势，d猪肋骨搭到好高，成座山塔咁，侧边仲有劲又芝士围住，店员首先将d猪肋骨放入个汤汁入面煮热，之后就绕满芝士，食落非常淋滑，唔算太辣，配埋芝士劲正。釜山猪肉汤饭上菜时热辣辣，d汤仲滚紧，个汤饮落好鲜味，好浓嘅猪肉味，入面都有劲多料，d猪肉都好淋好滑，好味。石板烤猪肉上菜时仲咋咋声，d猪腩肉烤得啱啱好，唔太㶶，但又有焦香味，见瘦适中，完全唔油腻，非常好食。