牛摩+ (新港城中心(5期)) (已結業)

母亲节又食酒楼有啲闷，同阿妈黎新开火锅店食任食火锅有新意！今期见好多台湾野食，有米血糕、皮蛋红姜贡丸、冻豆腐、珍珠奶茶等等。庆祝嘅我唔会悭荷包啦！拣第二贵嘅贵嘅牛摩牛小排套餐，几乎所有肉都任拣，仲有海鲜食。QR code落单嘅肉当中最正系极品美国牛小排，够软嫩重牛味；美国极上黑豚肉极薄片焯一焯肉味浓有质感；美国特选牛肩胛，纤维较多质感厚d但肉味又再浓d。海鲜先劲，有广岛蚝、翡翠螺、海虾、墨鱼滑、扇贝、青口、帆立贝等等。任食质素海鲜黎讲，算系新鲜，尤其系广岛蚝、翡翠螺同帆立贝，真系几鲜味。当然除咗呢啲之外，自助区都仲有好多野食，有软雪糕、西式甜品味道唔错，同埋阿妈都好钟意亲自整杯软雪糕嘅过程。仲有寿司啦、其他菜、丸、前菜之类，饮品就任拣啦，呢间分店整洁度同服务几好，为返1个人先3百几蚊，平过酒楼啦！