Playa de Papagayo (已結業)

朋友生日，拣咗佢钟意嘅西餐🤓星期五嘅晚上，嚟到呢个地方特别relax😌餐厅外仲放咗几张枱，坐出面又系另一番风味😜入到餐厅，第一眼就望到墙上嘅字灯，仲有佢个menu，好靓好吸引，好想去沙滩呀🤣由于餐厅内气氛实在太好，如果想倾吓计嘅话可能要讲大声啲先听到😜之后就系bar枱上大大只嘅咸猪手，几咁架势😆仲有bar枱背后嘅酒几咁壮观😍朋友未到齐之前已经好肚饿，所以就叫咗啲小食同嘢饮。炸鱿鱼圈好香口，仲有个吐司，有八种味道( 蕃茄沙沙， 烟火腿， 鹅肝酱， 黑松露滑蛋， 蒜香虾， 蟹肉酱， 辣螺肉， 吞拿鱼他他)，朋友未到已经食晒😜叫咗jar Regular Sangria，好香甜嘅果味，好易饮，唔系好识饮酒嘅人可以试吓。朋友终于到，叫多咗几样主菜。沙律菜好鲜甜，只虾好好味😋西班牙海鲜饭，我唔钟意食青口无试到，啲虾依然咁好味，鱿鱼口感弹牙，饭嘅软硬度我觉得适中，朋友就觉得略为软身得滞。仲有个四式pizza，薄批，芝士味非常之浓厚，喜欢芝士嘅人一定要试。