宴 尖沙咀

屋企人生日, 拣左佢最钟意嘅日本餐。然后喺网上揾到呢间日本餐厅，就打算带成家人一齐嚟呢度食。一入嚟，就俾佢哋呢个日本风嘅装修吸引，好靓。呢排排sake睇住都好吸引，第日可以自己再嚟享受。大家都好钟意食刺身，所以直接点咗5款刺身拼盘。入面有深海池鱼、拖罗、海胆、帆立贝同埋牡丹虾。每一款都非常新鲜，摆盘好特别，好靓。烧猪手都好唔错，猪手嘅皮好嫩，入口即化。肉质软嫩适中，非常好食。呢间店嘅摆盘好靓，睇住就好有食欲。鸡肉串好香，腌得好入味，加埋梅子酱，简直系一流。之后仲点咗苦瓜炒猪肉。我唔太敢食苦瓜，不过入面嘅鸡肉真系好好食，软嫩嘅肉质加埋少少苦，味道好独特。佢哋嘅鸡肝处理得好干净，口感好软嫩，唔错食。腐乳嘅味道好浓烈，口感滑溜，感觉呢间店嘅腐乳比传统嘅腐乳更加有独特嘅味道。最后仲叫咗海葡萄，食起嚟好清爽，沾埋旁边嘅酸汁，仲更加可口。食物都非常唔错，一家人都食到好开心。