發記甜品 (已結業)

我想讲个间发记甜品系位于尖沙咀宝勒巷2号呢间. 但可惜未见openrice 有呢间铺头.只能在这里发表一下. 星期日晚食完饭七点零就黎左呢度食甜品.可惜由入门口开始我地六个人. 个店员一直企系度, 但好似机械人咁款.同佢讲六个人佢无理, 亦唔会叫我地入去坐, 幸好时间尚早, 好多位. 所以自己行入去揾位再将d枱拍埋. 店员全程佢都无理过.同佢讲d枱有污迹, 幸好都尚算有反应拎埋布黎抺但全程无表情.六个人得两个餐牌我地睇得好辛苦, 佢过左数分钟先识拎多一个黎比我地.到叫野食. 要咩无咩(呢样唔关个店员事). 要士多啤梨的甜品无, 要豆花的甜品都无. 另外有一个什么冲绳xxx (讲左头两个字已经话无).最后只好叫返d好传统的食品. 芝麻糊, 绿豆沙之类.好坦白食品系唔差. 个芝麻糊出黎时系好够热. 而且唔似机磨 得个滑字.  食落去系有口感会好d 一粒粒的芝麻. 其他食品都唔差. 鲜果凉粉条都有西瓜同其他生果.  都好足料只不过比个机械人式的店员搅到你系度食得好无瘾.