蟹仙海鮮蒸氣鍋 (龍崗道)

营业中

休息中

去九龙城揾好野食，见到呢间餐厅门口menu写住蒸海鲜每个人$419，好似几抵食，所以入去试吓。套餐海鲜都有几多款式，枱面上已经有海鲜蒸嘅时间，不过原来侍应会帮你调校好时间，唔使自己留意时间，惊会蒸到啲海鲜老晒唔好食。咁多款海鲜，只虾真系好大只，琵琶虾亦都好鲜味，不过我最钟意食鲍鱼，蒸嘅时间啱啱好真系好重要，以往喺屋企普通蒸鲍鱼都会好韧，今次蒸鲍鱼唔洗点鼓油都食得出鲜味而旦够弹牙，好好味。套餐入边一次过可以食到几款蟹，其中奄仔蟹真系好多羔，好好味。当我食到蟹钳嘅时候，侍应见到我好难开，竟然亲手帮我哋打开个蟹钳，太贴心，专业真系唔同啲，我第一次可以食蟹钳食到好似食鸡髀一样，啖啖肉真系食得出嘅幸福感，太开心啦。最后食埋蒸蔬菜，仲有每人食多两至三碗粥，真系饱到上心口，店员真系好好叫我哋唔使喺九龙城再揾糖水，送咗两碗糖水俾我哋，服务咁好，令到我对呢间餐厅真系大大加分，埋单亦无额外好多小费，每人$500有找，下次一定会再来。