越萊 (廟街)

营业中

休息中

本身同妈妈夜晚去庙街夜市行下，点知就咩都冇食到，反而去左庙街嘅依间越南餐厅，食左个好满足嘅晚餐。顺化香辣河粉好丰富嘅汤面，有肉碎扎肉牛丸牛𦟌萝卜。特别钟意牛丸，牛丸食落弹牙多汁。每样嘅份量都好多。我选择咗河粉，河粉属于比较幼身嘅，索晒啲汤，每啖食落去都食到香辣嘅汤。附上柠檬辣椒同香叶芽菜，我将全部都加晒落汤入边，钟意酸酸哋嘅感觉很开胃。辣度嚟讲我觉得很可以接受，唔算好辣。另外附送咗菜心苗，啱晒成日外出食饭嘅人，食多啲菜更健康。汤面仲可免费加热菜蜜。三式滋味鸡肉捞檬捞檬超级丰富大份嘅捞檬，有好多𩠌，每样份量都超级多。而且每一样𩠌都做得好好，质素好高。鸡髀嫩滑带少甜味，鸡翼炸到好香脆，烤猪肉香茅味浓郁。倒埋捞檬汁落去檬粉到，开胃消暑。非常推荐比三心两意嘅人食，可以一次过试哂多款𩠌。加15蚊配红豆冰，红豆份量多而且香甜，而且饮落椰味香浓。