雍明冰室

营业中

休息中

本人系康城居民，除咗喺度三年，商场嚟嚟去去集团食都食到有啲厌，康城啲餐厅嘅价格亦都唔平。星期一至五我同先生都要返工，屋企系无人煮饭，天天外卖，所以一直想食得健康，少油少盐。最近，茶记成为我们的饭堂。通常我哋两个人会叫二人晚餐，二人餐有汤、有白饭、有饮品（冻饮唔使加钱）、仲有三个𩠌，堂食嘢唔使加一，平靓正，平过你请钟点煮饭！ 通常星期一至四，我哋会叫外卖送过康城，星期五或者weekend就会行过去餐厅食，地点一流，喺将南海边，食饱饭行返康城当散步。最重要𩠌菜又够镬气、又够热，侍应服务颇殷勤有礼，当然外卖会比堂食差一点，但系都已经唔错，可以送到过去康城非常之好！ 今日我带埋我的父母过去一同食晚饭，一行五人，屋企人都觉得好有水准。我哋点了一个二人晚餐、一个三人晚餐，共七个𩠌，每碟𩠌都够镬气、又够热，作为家常便饭认真一流！ 外面食蒸鱼，通常会赞油，呢度真系够少油，够健康，有家的感觉！就算日日食都唔会变得有三高！迎合依家年轻人对健康的追求！ 冇得顶！会继续多多支持！