丼瀛 (已結業)

原本谂住过黎食煲仔饭，不过未食到就煲仔饭真系饿，经过呢到收到传单，所以就入黎食。一坐底见到menu就已经流哂口水。 呢个北海道海胆三重爆丼真系好爆，海胆份量好多，唔单止多片，而且每片都好厚肉。而且鱼籽亦好多，用紫菜夹埋食好似食紧寿司咁。 而安格斯牛肉寿喜锅既味道好特别，同平时食既唔同，反而好似牛乳锅咁好清甜，几特别。锅既配菜好多，同埋都好新鲜，而牛肉亦都几高质，食落腍得黎又有咬口。 店里面既侍应特别推介活赤贝刺身，话系呢度好出名既。一放上嚟，外型已经加哂分，用贝壳再加柠檬夹住赤贝刺身，好似一只真既赤贝咁，好得意。食落赤贝都几爽口，加埋少少既柠檬味好夹。 呢间餐厅既服务好好，睇得出侍应系真心中意呢间餐厅，唔单止好落力派传单，仲好好服务，随时留意住我地既茶水份量，收野都收得好快，仲会特别介绍好食既野。