牛大人台灣火鍋吃到飽 (荷李活商業中心)

营业中

休息中

同友人两个去食午餐，选择左最便宜嘅自助餐set。一个人$138另+10%服务费，入座起90分钟，够钟前30分钟就会截单+同你收钱先。我地叫左番茄汤底，好味亦好够味。每一枱嘅汤都超级大锅😂😂牛肉猪肉都唔错，鸡件中规中矩。友人钟意食的鸭血味道唔错，一份有三块仔都厚身嘅。我钟意嘅豆腐皮蛋好好吃！小香肠同盐酥鸡都好吃，我地叫左好几份😆😆蛋饺唔推荐比较一般花枝滑好食嘅，但海鲜滑好臭🤧好似臭海鲜嘅味（唔知系咪得我地果份系）不过啲滑都系好霉，食落觉得一般自助区配菜选择算合格种类，菜有几种、另外有各种丸 每种都好食，唔系出面买嘅批发丸都有辛拉面、乌冬等饮品都有多款，汽水最基本，另外有各种胶樽装黑茶绿茶白茶，盒装有台湾小麦红茶（第一次见）等调味区选择多，各种唔同嘅酱非常多选择一定满足到每个人嘅口味。总括黎讲价钱同质素合理，90分钟食自助午餐黎讲尚算够嘅，但如果时间长多少少就可以食得无咁急。加上提前30分钟截单，所以食得慢嘅朋友就一定唔够。Staff好勤力收空盘，亦有主动问要唔要加汤（好大煲汤我地完全唔需要加）环境干净 地板唔会湿/滑。另外有公筷+2只勺，仲有纸巾都几贴心。