Dim Sum Library

营业中

休息中

《Dim Sum Library》一入门口有bar 枱位置可以用餐，但本人就不太喜欢坐高櫈食饭，所以坐返普通矮枱。餐厅的装潢用餐枱面放哂餐具后空间已所剩无几，好迫夹 。黑松露虾饺 $58所谓黑松露其实用上黑松露油去代替，黑松露味唔算香但虾肉爽口弹牙。海胆蟹肉春卷 $88春卷卷得太实同炸过龙，咬落唔够松脆 。而且唔太食到春卷上嘅海胆味，个人认为此点心纯粹卓头，可不点。鹅肝桂花熏糖心蛋 $108冇谂过块鹅肝咁肥美有返咁上下厚度，外层煎得薄薄脆口 。但由于下面系烟熏糖心蛋嘅关系，冇将鹅肝多余嘅油索去，有啲油腻。而下面嘅糖心蛋，蛋黄却八成熟，变相鹅肝做咗主角，失望。担担汤包 $68麻辣版小笼包，皮唔算薄透果种，摊一阵先再食仲有啲干 。虎虾菜苗饺 $7878蚊2粒菜苗饺贵咗个虾。同相像中有啲出入以为会将虾打碎混入菜苗中，结果系分开，所以下面都只系普通菜苗饺。花枝响铃肠粉 $-响铃干脆可口一啲都唔油，配合枝竹同肠粉包埋一齐食清清地点个豉油唔错。