King's & Queen's 冰室 (已結業)

🇭🇰Hong KongAverage expense pp: HKD$200-300+📍Address: King’s & Queen restaurant呢间餐厅位于美食沙漠附近，但系素质相当好。如果你同屋企人游车河/周末经过，最适合黎放松一下。令人喜出望外嘅系，佢每一道菜都好有镬气，好似食紧酒楼既小炒😍😍如果你地去，我会推介你地一定要点呢几样食～1. 红烧乳鸽2. 椒盐九肚鱼3. 姜葱霸王鸡4. 烧汁杂菌牛仔骨5. 马拉盏通菜鲜鱿红烧乳鸽好嫩滑，外皮香脆，非常香口。到椒盐九肚鱼，炸到金黄色上枱，入面嘅九肚鱼仲系超级滑又多汁，超级难得可以做到咁好，呢道菜好出色。姜葱霸王鸡，我相信唔系用雪鸡而系用新鲜鸡，用姜葱同酱油调味非常入味，一大只份量非常多！ 烧汁杂菌牛仔骨同埋马拉盏通菜鲜鱿又系另一非常有镬气之作，尤其是鲜鱿，采用新鲜嘅鲜鱿，值得一试！另外，马拉盏有少少微辣，如果怕辣嘅话，可以点腐乳/虾酱/蒜蓉。另外，如果你好似我地咁大胃口，想点多几碟菜，可以点佢地鱼香茄子煲同埋瑶柱蛋白炒饭试吓！鱼香茄子煲都几送饭，瑶柱蛋白炒饭有一丝丝瑶柱，饭炒至非常干身，大约一碟已经够2-3人份量！