九鼎記粉麵世家

营业中

休息中

今日系旺角睇完戏就出左去揾野食，系弥敦道行行下见到呢间好光猛又新净嘅粉面店，睇佢餐牌抵好多选择，而且性价比高，崩沙腩面都唔使60蚊，我哋就入去试吓啦。坐低左之后我哋就叫左招牌八宝面，崩沙牛腩墨鱼须捞粗，炸墨鱼丸小食同两杯冻柠茶。个八宝面上枱先，见到都好足料，个面底都唔少，食落爽口，唔好煮得太软熟，而啲配料都好高质，牛腩唔会韧，牛肚好爽，鱼蛋类大大粒，𡯁其个胡椒猪肚丸，食完齿颊留香。而个捞粗就更加大份，配料份量充足，崩沙腩真系好有牛味，墨鱼须好爽口，个捞粗都煮得啱啱好。最后个炸墨鱼小食有五粒大大粒，炸得香脆，仲食到啲墨鱼粒，配埋杯冻柠茶真系一流。有机会大家都可以嚟试吓！