座銀

营业中

休息中

星期六去到尖沙咀准备食饭，佢突然话转场：「带你食好嘢」❣️入座前可以坐喺店角等，店员先递上餐牌俾我地睇。餐牌只有薄薄几页，食物不到十款，睇黎店舖对招牌鸡白汤好有信心。佢话食过鸡白汤面同沾面都好好食，几经纠结之后我地一人拣一款。鸡白汤拉面($138)。好少食鸡汤汤底，因为通常都系=鸡粉汤。汤底出奇地唔咸，鸡味浓郁，有啲creamy。泡沫口感同饮咖啡奶泡一样，有种绵密幼滑嘅frothy感。我唔钟意食炸牛蒡，干身无味又热气，影完相就夹晒俾佢。佢叫我食一条试下，试完我就夹返一半俾自己😂😂脆脆地又唔会好干身，有啲淡淡嘅甜味。鸡沾面($148)。沾面嘅汤更加浓，但系鸡味冇汤面咁突出。佢坚持要我试下沾面汤加姜蓉，提味之后啲汤汁更浓鲜味，又冇中式姜蓉嘅呛喉感。佢比较钟意沾面。我觉得沾面比较特别，但系对我太浓味，share食少少就够。烟熏糖芯蛋($15)。佢钟意烟熏嘅香味，我就觉得有啲苦。呢度行日式服务风格，店员全部好后生，服务殷勤，多次主动加茶。店舖虽然唔大，但系座位宽松，坐得舒服。厕所入面有即弃牙刷、绵花棒、lotion、漱口水、洗甲水等等。