影の鳥 (已結業)

由mirror成员jer、ak同埋error嘅肥仔合资嘅日式串烧店以黑色为主调，座位唔多但坐得非常舒服。逢星期三、日限定嘅放题，包括自选主食一份，其余任食嘅食物包括先付、沙律、刺身、天妇罗、烧物、汤同饮品，想问酒嘅可以加钱free flow。﹆ 150分钟日式半自助餐 $498♙ 主食香葱吞拿鱼丼嘅吞拿鱼几鲜甜，细细碗啱啱好唔惊太饱。美人锅汤底清甜，除咗嫩滑嘅鸡件仲有大量蔬菜、菇、豆腐等，大推。♙ 先付唐扬鸡软骨粒呈金黄色，卖相吸引，口感爽脆，很惹味。♙ 串烧试匀咁多款串烧，最推荐黑豚腩同豚肉苹果串，前者充满油脂香，后者以豚肉包住苹果，非常juicy，实属创意之作。爽脆嘅秋葵、肥美嘅广岛蚝、香口嘅大葱鸡肉串都唔错，唯一失望位系鸡皮比较干同牛舌比较韧。♙ 刺身一共有三文鱼、油甘鱼、带子及赤虾四款，三文鱼正正常常，油甘鱼非常厚切，带子鲜甜，赤虾弹牙。