影片
更多
2010-08-25
17 浏览
上星期五晚同男朋友差不多时候收工，见唔系好夜当然要同佢食d好野啦。最近皇室堡多了好几间新食肆亦成为左我地既觅食新地方，之前见到「金牌小龙」已经系商场内设有宣传品，虽然曾经到过The ONE的总店不过都系铜锣湾比较就脚而且得知人潮无尖沙咀咁多，果然去到可以即刻入坐，嘻嘻！是晚点左以下几样︰金牌小笼油葱拌面什锦豆干丝排骨蛋炒饭葱烧大饱先来评一评个小笼包，皮薄薄的不过唔容易夹烂，经常夹穿小笼包的男朋友依然小心奕奕，不过以我观察包的质素而且蒸笼上放有的湿布一块，失败的机会应该好微我叫男友放胆一试，哈，大成功啦！食落肉汁丰富又热辣辣，要小心烫到呀。再来试试评语一直麻麻的排骨蛋炒饭，饭确实跟其他食评所指炒得唔够干身，但个人认为唔算太差，油份亦无之前食评所反应既咁多，可能店家已经作出改善，排骨有点过咸而且好重黑椒味，期待佢地可以再做得更好。什锦豆干丝，我地从未系其他餐厅食过呢个菜，系男朋友一时兴起的order，豆丝跟粉皮捞埋一齐，味道偏淡。油葱拌面，当初我还以为拌面一定系干上，点知「金牌小龙」的版本竟然有汤，面身食落好滑，唔错，可惜有点太淋身，葱本身好似无炸过所以缺少左干葱的香味。男友自己要左个葱烧
是晚点左以下几样︰
金牌小笼
油葱拌面
什锦豆干丝
排骨蛋炒饭
葱烧大饱
先来评一评个小笼包，皮薄薄的不过唔容易夹烂，经常夹穿小笼包的男朋友依然小心奕奕，不过以我观察包的质素而且蒸笼上放有的湿布一块，失败的机会应该好微我叫男友放胆一试，哈，大成功啦！食落肉汁丰富又热辣辣，要小心烫到呀。
再来试试评语一直麻麻的排骨蛋炒饭，饭确实跟其他食评所指炒得唔够干身，但个人认为唔算太差，油份亦无之前食评所反应既咁多，可能店家已经作出改善，排骨有点过咸而且好重黑椒味，期待佢地可以再做得更好。
什锦豆干丝，我地从未系其他餐厅食过呢个菜，系男朋友一时兴起的order，豆丝跟粉皮捞埋一齐，味道偏淡。
油葱拌面，当初我还以为拌面一定系干上，点知「金牌小龙」的版本竟然有汤，面身食落好滑，唔错，可惜有点太淋身，葱本身好似无炸过所以缺少左干葱的香味。
男友自己要左个葱烧大饱，我试左一啖，包面干身左少少不过都可以，唔会太硬，馅料有传统浓油赤酱的味道，好彩无个种太浓烈的葱味，都算合格。
菜上完，记得之前有食评赞过个粉蒸排骨，又心思思再追加了。等左成半个钟我地追问之下侍应回答话厨房师傅今晚蒸唔到应有的水准，唔好意思。其实我地唔系好介意等，不过睇得出厨房同楼面同事沟通不足，又或者阿师傅可能真系太投入要蒸番好碟排骨唔记得update楼面同事？
一般黎讲「金牌小龙」非常有「顶太丰」的影子，无论装潢、食谱以及员工的制服及培训等，加上定价较「顶太丰」平，一定有捧场客，虽然食物的质素同服务水准仲有可改善的空间，呢餐饭都叫食得满意，请努力改善一下，会再黎的！
张贴
