湘蜀人家

营业中

休息中

近来川菜喺香港好似愈开愈多，于是近排我同嗜辣嘅另一半专揾川菜嚟试，今次试呢间系新开嘅，可以经OpenRice 订位，非常方便。值得一提带位同落单嘅侍应们好有礼貌我同另一半对两样川菜系情有独钟，一样系水煮牛，一样系辣子鸡，有时会点口水鸡，但今次想试试夫妻肺片。点菜时侍应冇问我要咩辣，后来睇到有食评话厨师坚持唔会为食客改变辣度。晚市时间餐厅坐满，上菜速度都好快。首先系呢碟夫妻肺片，我唔系好食得辣，食左一旧太辣食唔到，另一半话最初几旧觉得好食，后面因为啲肺片浸住油，只吃到油味。之前喺OpenRice睇到呢间辣子鸡比其他店嘅鸡件切得大块，唔使系咁吐鸡骨。呢碟睇度好多辣椒，但其实冇乜辣味，上菜时好香，但鸡件并没有像闻到的一样香口，炸粉味略重，味道扁咸。至于水煮牛，对我都算几辣，但系同辣子鸡一样唔香口，料方面牛肉好大块，但切得略厚故有点韧，底部有薯粉同莴笋，由于个汁唔够香，所以索咗汁都唔觉好送饭。后尾太辣我叫多个盐爆牛栢叶。话明盐爆梗系咸咸地，我觉得味道不错，最好系我地都觉得就算佢切得啲牛栢菜厚身都完全唔靭总括嚟讲，我地叫呢几样小菜未算好出色。