影片
更多
2014-05-14
5492 浏览
今日下午两点要去金钟覆诊，训到最后一刻先起身飞出门口是常识吧。早餐都未食，等见医生等左65分钟，见到医生坐低急口令讲出情况，唔够2分钟就叫你出去揾姑娘约下次覆诊，再等多20分钟左右拎埋药就可以放低20蚊走人没错，呢个就系我公司医疗卡所享用o既医疗服务。讲返正题，一起身就过左两个钟赶急o既节奏，难得今日放假就要去放松一下。我知道金钟有好多正野，要叹的话JW 万豪、港岛香格里拉、太古广场甚至湾仔日月星街果边都有唔少cafe同餐厅可以叹下美食同下午茶。但我想食早餐㖞...边到有早餐可以满足到我? 我平时系金钟食开元气、四季(唔系酒店，系一间本地日式茶餐厅)，金钟廊入面间高级美心快餐simply life或者一风堂同埋海富中心一楼某几间三文治店。但我今日真系唔想食呢d，我净系想食早餐啊!咪住，好似有间野叫brick lane，佢话到自己好英式架，就去睇下佢有无早餐食先。行过长长天桥，经过冷冰冰的政府总部，终于黎到brick lane 门口。我企左系门口数分钟，只见有数名待应正在接受上司指导而未有人打算招呼我，直到我开声先有人出黎招呼我坐低，舖头入面无其实食客，我见天气咁好就坐左系户外露台晒太阳
早餐都未食，等见医生等左65分钟，见到医生坐低急口令讲出情况，唔够2分钟就叫你出去揾姑娘约下次覆诊，再等多20分钟左右拎埋药就可以放低20蚊走人
没错，呢个就系我公司医疗卡所享用o既医疗服务。
讲返正题，一起身就过左两个钟赶急o既节奏，难得今日放假就要去放松一下。
我知道金钟有好多正野，要叹的话JW 万豪、港岛香格里拉、太古广场甚至湾仔日月星街果边都有唔少cafe同餐厅可以叹下美食同下午茶。
但我想食早餐㖞...边到有早餐可以满足到我? 我平时系金钟食开元气、四季(唔系酒店，系一间本地日式茶餐厅)，金钟廊入面间高级美心快餐simply life或者一风堂同埋海富中心一楼某几间三文治店。但我今日真系唔想食呢d，我净系想食早餐啊!
咪住，好似有间野叫brick lane，佢话到自己好英式架，就去睇下佢有无早餐食先。
行过长长天桥，经过冷冰冰的政府总部，终于黎到brick lane 门口。
我企左系门口数分钟，只见有数名待应正在接受上司指导而未有人打算招呼我，
直到我开声先有人出黎招呼我坐低，舖头入面无其实食客，我见天气咁好就坐左系户外露台晒太阳叹早餐噜~
坐低之后好快就叫左all day breakfast (every thing) 即系有两只你想佢点煮都得o既蛋、烟肉、焗豆、芝士、火腿、薯饼、大蘑菇即系Portobello Mushroom、煎番茄、香草猪肉肠、烟三文鱼同多士，另外再加左份Black Pudding即系猪血肠。讲起英国o既早餐，我就谂起我当日第一次去英国，到左london 之后第1日就自己一个走落街揾野食，唔知头唔知路咁行行下就去左borough high street见到有间平民餐厅叫Nelsons's ，入到去叫左个full english breakfast，黎到见到佢大份到真系吓左一跳! 两块薯饼，两块烟肉，两只蛋大量焗豆同大量蘑菇，另外再有4块多士
最初我以为呢份已经系最夸张，原来都未算，另外仲有一份叫Builder’s Breakfast系仲劲! 除左有以上各样食物之外仲有大量薯条!! 谂起呢份正宗英国早餐，我果阵真系食到连lunch 都唔驶食。我一路坐系到等份早餐一路充满期待同回味当日系london 份超级早餐。发左阵白日梦份早餐就送到啦，只碟都已经细过英国果份好多啦，真系有d失望。
但睇下入面有咩食先啦。炒蛋都算大份，而且炒得好滑! 不过佢应该无出猫加奶或cream加少少盐花之后味道刚刚好而且蛋味都好实在。滑蛋配多士都唔错，就拎起件多士闻下佢 (系，我惯左放野入口前闻一闻)
多士上面有少少干左o既提子，另外闻落有好香o既蒜味，呢只蒜味并唔系牛油蒜蓉果只香，而系用生蒜直接磨落去已经烘干o既多士上面留有o既香味!! 呢只手法好少有人用，因为都要磨多好几次先做到有浓郁香蒜味o既效果。将炒蛋放上去蒜香多士上面，再加少少芝士，食落去口感同味道好丰富。可惜外脆入软o既多士只有一小块，几啖就叹完。
薯饼都炸得几好，起码唔会连入面d薯仔肉都炸干。唔系讲笑，真系有人做到成旧薯饼都脆晒，真系高手黎架。Black Pudding 其实系猪血同猪肉混合而成之后再灌入肠夜成为血肠，不过佢整得比较松散影响口感。入口味道唔腥，我平时唔食猪红都可以接受得到! 烟三文鱼同烟肉比较普通，而香草猪肉肠入面真系有香草，唔系敷衍你的。一条条香草系d肉入面，非常醒味。但肠衣同血肠一样系好软，令到猪肉肠o既质感同样好松散。
不过佢真系用超级多油去煎呢份早餐，番茄同大蘑菇轻轻煎过，所以都系油林林的。虽然食得all day breakfast 都预左佢油腻，但都唔系真系多到咁夸张挂。
食到最后系沙律菜，佢系沙律菜上加左橄榄油，令平淡o既沙律菜加左一d 香味，但食到比较底d o既菜果阵，开始已经食得出菜上面o既唔橄榄油，而系隔离d烟肉同香肠o既油啦。
到最后都比我食晒成碟，讲真食完好似无乜饱o既感觉。但望一望只碟上面o既油就真系令我非常有罪恶感... 至于你话抵唔抵食 - 唔系讲价钱上抵唔抵，而系讲脂肪同食物比例上...大家应该心中有数吧。
始终都唔系英国，食唔返英国o既感觉都好正常，正如我系英国食文兴酒家时，烧味饭的味道都有点西餐味一样。
算啦，过下瘾都ok o既!
题外话/补充资料：
要享受下英国风的话呢到系唔错o既选择，但如果曾经系英国生活过o既朋友仔应该会觉得呢到仲有d 努力o既空间 =)
(以上食记乃用户个人意见 , 并不代表OpenRice之观点。)
张贴
