尚香 (已結業)

平时好少黎旺角既我，今日终于为咗我最钟意食既小笼包慕名而来啦！黎到广华街，真系大开眼界。呢到365日都好多嘢食，有最出名既肥姐小食店，妈咪鸡蛋仔，仲有啲台湾珍珠奶茶呀，彩虹雪糕呀，麻辣牛杂呀等等，唔怪得之啲人咁钟意黎呢到扫街啦！ 今次黎到尚香，座落于广华街既街头，人流比较少。店名写著 “舌尖上的中国”，似乎几有睇头。 店舖细细咁，但就提供四款指定点心。难得黎到不得不试佢地 signature 既巨型汤包。 蟹皇汤包用个筲箕器皿装住，手掌size，好大个，好可爱。我好欣赏佢超多汤喔！我用饮管饮咗一啖，ummm… 觉得有少少腥，所以建议加啲醋食。个外皮几薄，用竹签戳穿会见到蛋黄色既蟹黄，一丝丝既蟹肉，但比例上就细啲。 哇！好热呀！影完未呀？两款小笼包都用纸兜装住，所以佢话好热… 嘿嘿。 蟹黄小笼包头顶上面有橙色既蟹膏，好容易分辨到佢地同鲜肉小笼包既分别。两款小笼包个折口位好厚，但我钟意，哈哈！ 每只小笼包都有汤，嫩嫩的，味道上就差不多，但心里上总觉得前者好食啲。 佢仲有糯米烧卖架。但我地唔食糯米，所以就无试到噜