陶源酒家

营业中

休息中

食过荃湾、湾仔陶源的乳猪和片皮鸭，觉得唔错。今次因为同长辈食饭，选择较方便的旺角分店。当晚未人齐已经有一个男侍应企喺我哋后面，几次叫我哋食$3388「臻味双龙宴」套餐。我问佢系唔系全包，包唔包酒水。佢话系包茶介、加一，但冇酒水。- 六头饱鱼伴金钱饱鱼同冬菇都好大只，但唔太入味。- 鸿运乳猪衬红袍乳猪应该得半只，皮脆、红袍系类似素鹅，酥脆唔油。- 凤凰竹笙烩燕窝系最差的汤羹，好咸的豆粉水，所谓燕窝，味道怪怪哋，饮咗两匙就放弃跟住无心机再影食物相- 凤尾虾伴鲜奶卷整条炸虾只有后节有虾肉，前面系粉；鲜奶卷都系食炸粉- 上汤龙虾伊面够大碟，龙虾冇乜肉，伊面偏咸。- 浓汤鱼肚翠苗豆苗浸在咸咸的汤、细细粒的鱼肚。- 清蒸沙巴龙趸合格，无蒸过龙。- 蒜香黄金鸡普通炸子鸡，无蒜香味。- 最后珍菌炆伊面无乜味，捞埋龙虾伊面会好食啲！其实设计菜单的人知唔知一个餐有两个伊面，点解唔换炒饭之类！？又无甜品到埋单时才知道唔系全包宴，星期六、日仲要加$300！只怪我哋冇睇菜单下面的细字！价钱都系其次，食物味道差到我哋冇人愿意打包吃剩的食物真系唔使再嚟！