素年 (福隆大廈)

营业中

休息中

早排要帮妈妈买𩠌，行到肉档本身想买旧肉煲汤，但突然之间见到街市猪肉档挂满一旧旧有点反胃就走人，然后几日都唔太想食肉，于是就四围揾素食餐厅，食过几间后都系发最爱还是素年。餐厅原来会定时定候更换餐厅上嘅菜式，今次选择咗两个主菜&一沙律，另加两个饮品，包括：超级维他命C奇异果野莓沙律照烧汁南瓜可乐饼竹炭汉堡唐扬猴头菇纯素忌廉菠菜扁意粉红枣桂圆杞子玫瑰花茶生姜红枣桂圆柚子紫苏茶照烧汁南瓜可乐饼竹炭汉堡内配有芥末酱，而南瓜可乐饼有香甜南瓜味，而竹炭面包好松软。超级维他命C奇异果野莓沙律睇餐牌时已经好靓，实物嚟一样咁好睇，唔单止好睇，仲好好味。沙律放弃使出传统沙律酱，改用芒果汁酸酸甜甜，而士多啤梨、蓝莓都好甜。唐扬猴头菇纯素忌廉菠菜扁意粉上嘅猴头菇，口感真系好似食紧肉，如果呢个猴头菇有出小食就更加开心。红枣桂圆杞子玫瑰花茶超浓玫瑰香味，而生姜红枣桂圆柚子紫苏茶好适合冬天饮，饮完成个人暖笠笠，而紫苏叶除咗香味特别之余仲可以驱寒，绝对啱哂怕冻嘅人。好开心香港仲有一间咁用心制作食品嘅餐厅。