影片
更多
2024-05-17
12 浏览
饮茶 Yum Cha📍中环德辅道中173号南丰大厦2楼1-2号舖好耐无见嘅中学老友呢晚揾我一齐食饭，因为大家都系识食之人，食餐饭都想揾啲值得打卡、有亮点嘅餐厅，所以佢拣咗中环近上环嘅一间新派中菜点心餐厅，方便同在港岛工作嘅我俩。饮茶好受外国游客欢迎，除咗西方人，当晚座上客亦不乏韩国、菲律宾等旅客，睇嚟打卡真系无分国籍！ 💰$89干煸四季豆 🥗惹味非常嘅干煸四季豆，炒得干身唔油腻，肉沫只有少量肥肉，净食已经好好味，相信配饭一定好下饭！ 💰$138芝士海虾伊面 🍤🍝一碟伊面都夹到5-6碗，性价比都唔低。海虾上粉后炸得金金黄黄，包裹住嘅虾肉弹牙爽口，加上调味唔会过咸，芝士味亦偏淡，所以即使得两个女仔都可以轻松KO，唔会过份饱滞。 💰$68/4件樱花虾烧卖 🥟坊间有唔少fusion烧卖，例如旧式嘅鹌鹑蛋烧卖，或新式嘅黑松露烧卖；基本上只要系烧卖，我都一定会试下。呢间餐厅选择以樱花虾代替常见嘅蟹籽，亦将一般黄色嘅烧卖皮改成绿色，制作耳目一新嘅樱花虾烧卖。烧卖内馅包有虾肉、猪肉同冬菇片，口感弹嫩juicy，无咩肥肉，连同樱花虾一齐食，味道得以升华。 💰$49/3件睇住流奶 😮餐厅其中一款招牌人气包
📍中环德辅道中173号南丰大厦2楼1-2号舖
好耐无见嘅中学老友呢晚揾我一齐食饭，因为大家都系识食之人，食餐饭都想揾啲值得打卡、有亮点嘅餐厅，所以佢拣咗中环近上环嘅一间新派中菜点心餐厅，方便同在港岛工作嘅我俩。
饮茶好受外国游客欢迎，除咗西方人，当晚座上客亦不乏韩国、菲律宾等旅客，睇嚟打卡真系无分国籍！
[价钱 Price]
💰$89
干煸四季豆 🥗
惹味非常嘅干煸四季豆，炒得干身唔油腻，肉沫只有少量肥肉，净食已经好好味，相信配饭一定好下饭！
[价钱 Price]
💰$138
芝士海虾伊面 🍤🍝
一碟伊面都夹到5-6碗，性价比都唔低。海虾上粉后炸得金金黄黄，包裹住嘅虾肉弹牙爽口，加上调味唔会过咸，芝士味亦偏淡，所以即使得两个女仔都可以轻松KO，唔会过份饱滞。
[价钱 Price]
💰$68/4件
樱花虾烧卖 🥟
坊间有唔少fusion烧卖，例如旧式嘅鹌鹑蛋烧卖，或新式嘅黑松露烧卖；基本上只要系烧卖，我都一定会试下。呢间餐厅选择以樱花虾代替常见嘅蟹籽，亦将一般黄色嘅烧卖皮改成绿色，制作耳目一新嘅樱花虾烧卖。
烧卖内馅包有虾肉、猪肉同冬菇片，口感弹嫩juicy，无咩肥肉，连同樱花虾一齐食，味道得以升华。
[价钱 Price]
💰$49/3件
睇住流奶 😮
餐厅其中一款招牌人气包点—睇住流奶，眼仔碌碌，造型趣怪，爱打卡人士必点！包内有大量热辣辣嘅流沙奶黄馅，可以喺眼仔附近笃个口，轻轻按压，「睇住流奶」，有趣又好味！
[价钱 Price]
💰$49/3件
鸽吞凤梨 🕊️🍍
三只白鸽造型嘅凤梨酥，乖乖哋坐喺笼内等候被食用，又系一吸睛之作。酥皮造功认真，有细心刻画白鸽尾巴同翼嘅细节，创意十足。不过个人认为凤梨馅味道偏甜，口感亦过于硬身，食开正宗凤梨酥嘅朋友可能会感失望。
[价钱 Price]
💰$49
葡国鲜奶挞 🥧
另一款甜品系葡国鲜奶挞，三只迷你挞卖相的式可爱，挞面铺有黄糖，营造微焦效果。虽然望落同一般蛋挞仔无咩分别，但千祈唔好俾表层黄色呃咗！咬落先知里面系白色，系鲜奶挞嚟。但始终挞皮比较易散，鲜奶蛋浆亦无咩香味，同想像中嘅「葡挞」有少少出入。
张贴
