孖啡 (已結業)

完SEM就要慢慢坐咁LUNCH~楼上CAFE 主菜质素唔会太大差距，但甜品同饮品水准真系可以影响到你帮唔帮衬佢。所以今次破例先写甜品。人生第一个心太软系喺7-11食，第二个就系喺孖啡。云尼嗱雪糕当然唔系自制，但厨师好贴心咁烘热咗只碟，又喺雪糕底垫cream隔热，制作认真抵赞~心太软外层脆脆地，用匙羮整开佢听到脆皮声！朱古力火山爆发！蛋糕内层湿润，外层香脆。朱古力浆加入牛油，食落唔会过甜，仲有拖肥糖嘅感觉。好正！芝士蛋糕云尼嗱味重咗啲，唔太啱我口味。沙冰打得够smooth，未饮都闻到荔枝香，饮落都系荔枝甜味，菠萝味就唔够出，但几好饮。朋友点嘅花茶。杯仔细细慢慢叹~份量超级大！一班FD嚟可以考虑唔人人点餐。正价饮品再SHARE一两个餐都有著数。黑松露几浓陏，饭都够晒湿润同重忌廉味。白汁比松露饭咸少少，同样足料。食到我哋肚涨涨咁走~孖啡系我去过嘅CAFE入面算系数一数二咁大。坐得舒服，干净企理，仲有几部大电视。