Accro Coffee (已搬遷) 新店位置

想试左好耐既咖啡小店，今日终于试左。 由于假日关系，下午茶时间系keep住满座。老板都好有心机，如果满座会留低客人电话，一有位就打番电话比客，帮佢留座。  今日试左Ice mocha 同 ice latte in green tea flavour 。两杯野饮既咖啡味道都超乎想像既浓郁，特别之处系两杯既咖啡都好唔同。各自都有一阵不同既咖啡香。Mocha既咖啡味比较沉实，而latte既咖啡味比较清香,但重申两杯既咖啡味都系超过浓。反而绿茶味道就比较少，可以比浓厚既咖啡味遮盖左。而同starbucks比较，呢到既咖啡味仲比较特别添。 cake方面，试左热情果芝士饼同益力多蓝莓乳酪饼。热情果个味道好香，芝士好滑，一啲都唔会过甜，而芝士饼身硬度岩岩好，唔会雪得太硬难以进食。而个益力多饼就比较软身，乳酪加上蓝莓，甜中带酸，两件饼食落一啲都唔溜。浓郁既咖啡，配上清香不溜既芝士饼及乳酪饼，系一件赏心乐事。一set$60。   如果闲日黎仲抵，续饮同款饮品加$10！！下次真系要再试！