生記粉麵

营业中

休息中

觉得失望，今次系第二次帮衬，平日午餐时间，同同事一同入座，坐低后，因为越嚟越多人，就被再次俾调位，都冇问题。调咗喺门口收银处隔离张枱，食嘢嘅时候不断俾人撞，同埋门口收银女人态度欠佳，叫人入座嘅态度有啲似喝狗，收银女人唔知点解不断大大力开闩个柜桶成廿次，成餐饭食得好唔舒服，好唔安乐，同埋震耳欲聋。粉面正常，米线酸辣汤底正常OK，出名系炸虾卷但觉得好粉，墨鱼丸系几好食。地方尚算卫生，枱面有梅菜配料，份量都足够。不过，短期内都唔会再去食，因为本身荃湾几多米线嘅选择，免得食个lunch都要受气。