心燒食堂

营业中

休息中

今晚朋友带我食佢最钟意嘅居酒屋，食完呢次个list又多一间选择可以回头🤤烧白鳝-朋友首推，烧到外脆，但肉质弹牙厚肉，配埋酱汁少少甜，好食😋粟米金砖-朋友另一最爱，炸到香口但唔油腻，而且粟米已经切好晒，可以大啖大啖食。姜葱煎蚝-呢个系我最爱，蚝身超厚，粒粒都胀卜卜，煎到外层金黄，但内里重好juicy，姜葱汁又劲香。烧豚肉葡萄卷-卷葡萄已经新奇，但又真心好夹，重要葡萄系撇好皮🤩心烧免治鸡肉棒-本身我钟意呢款，粗碌、鸡肉中沟左d软骨，配埋蛋汁食，但我钟意软骨再多d😏就very good~烧午餐肉-意外好食，因为外层有蜜糖包住烧，少少甜，系未预计既味道。烧芝麻汤圆-见到就眼睛发亮，呢个整法系好食，但芝麻馅干咗d，再流心d会更好。另外重食手打墨鱼饼、烧鸡软骨串、烧芝士年糕、烧豆腐、烧秋葵、烧甜蕃薯、枝豆，都好食，但唔算好特别。当然日本啤系不可少，但唔记得影🤦🏻‍♀️但唯一美中不足就系用餐时间，想慢慢食慢慢吹水比较难。