Espresso Alchemy (已結業)

头先去完兰芳园，点知食唔饱，无意之中闻到好香好香嘅咖啡香味，跟住就发现咗呢间coffee shop，点咗几样嘢食，口味同份量都唔错，而且成间店嘅环境唔错，坐得好舒服，好啱安安静静坐低read a book，或者同三五知己一齐倾下闲计~！！ 餐牌上边嘅嘢食同埋饮品价钱唔算贵，而且性价比几高！！Filter Coffee，呢种冲制嘅方法系我饮咖啡最钟意嘅一种，用一种好慢好慢嘅速度同埋长时间提取coffee入边嘅精华，上边个玻璃樽拿嚟放啲冰，然后等佢地慢慢融化，再向下滴落啲咖啡粉到，咖啡饮落去有果酸嘅香味，焦糖味都会慢慢渗出嚟~~~ Flat White,拉花拉得好靓，咖啡味道好香好滑~~！！ 黑松露蘑菇意粉，一见到黑松露食欲就已经出晒嚟啦，送上嚟嘅时候发觉份量都几大，而且新鲜热辣，黑松露同意粉嘅搭配，食嘅时候浓郁嘅香味都留系口入边！ 辣番茄汁意粉，呢个意粉嘅味道比较浓，番茄汁嘅酸味同埋笋嘅酸辣味融埋啲意粉到，味道好特别，够晒开胃。 Banana Bread,虽然睇落去系一旧好普通嘅bread，不过食落去有好香嘅banana香味！！面包好松软~~~