老友記到會餐盒專門店

营业中

休息中

逢大时大节好多公司都会搅大食会俾大家开心一下，确系一个欢乐时光又同时食到不同美食，就一定会选择到会呢种服务，一来唔驶煮又方便之余价钱都大众化最紧要款式又多，分分钟食出惊喜，而且有咁多间到会公司选择真系好方便，今次就叫左呢间老友记到会餐盒专门店已经营左十几年够晒丰富经验，系菜式方面都比较多，可以迎合不同口味客人嘅要求，只要系order纸拣啱心水美食就得，而且系一条龙服务送到目的地俾大家享用一餐丰富美食，今次就点左几款美味拼盘品尝一下，先来有烟鸭胸肉伴蛋黄酱意大利青瓜，食到爽甜肥美嘅烟鸭胸肉配蛋黄酱食落更香滑接住有红咖喱煮青口，望见卖相几吸引阵阵咖喱香味特别扑鼻，青口肉质鲜嫩饱满，沾满浓郁酱汁食落特别惹味，而且会越食越滋味轮到香茅猪排拼薯角，份量十足相当抵食，脆香薯角再食件香嫩猪排够晒满足再来有原条烧美国安格斯牛小排配烧牛肉汁，啱晒钟意食肉嘅我，唔止食到嫩滑安格斯牛肉，啖啖香甜肉汁系口中散发，口感满足食欲大增最后食埋小甜心拼盘已经好满足嘅一餐到会美食。