榆越 (已結業)

今日去咗天水围贺一贺个朋友新居入伙，喺佢屋企玩完之后，佢就带咗我哋去呢间越南餐厅到试试，佢话呢间餐厅好性价比高，唔系好起眼，但食物质素好得，服务都好好👍🏻招牌烧牛肉越式法包🌯越式法包系我近期比较钟意食嘅食物，法包烤至香脆，咬落去卜卜声而且软硬适中，烧牛肉嘅份量好多，加上蔬菜同酱汁，食落唔会太油腻，反而令人好开胃～去骨手撕鸡捞檬🐥+串烧猪颈肉🐷成碗都铺满晒鸡肉，估唔到鸡丝嘅份量会同檬粉一样多，加埋青瓜生菜花生同酱汁，酸酸甜甜，感觉清新，完全系夏天消暑嘅凉物，另外加咗串烧猪颈肉，肉质弹牙，微微嘅焦香好惹味～蒜蓉牛油鸡翼（推介💕）好耐都冇食过一间好味嘅牛油鸡翼，今次竟然俾我揾到，首先即叫即炸，已经加唔少分，咬落去蒜蓉同牛油味都劲浓劲重劲香，炸到外脆内软，但系唔会感觉太油腻，食完有一种幸福嘅开心感🤤金丝网春卷好钟意越式嘅春卷系用蜂巢皮去制造，咬落会特别松脆，入面嘅馅料好丰富，点埋酱汁就更加好味😋芒果沙冰&椰子沙冰🍧跟餐可以加钱试埋两杯沙冰，饮落劲透心凉，完全系消暑嘅恩物，解热又解渴～榆越 (天水围)天水围天秀路8号天一商城1楼1027号舖评分：8/10