紅軒

营业中

休息中

点都谂唔到一向孤寒嘅我、居然会走去机场酒店食嘢！冇计啦鬼叫班机delay、又鬼叫老婆只系钟意食中餐，唯有走去机场富豪酒店𠮶间红轩食嘢啦！豪一次！心谂希望唔会食到荷包肝硬化！点知食完之后个人角度嚟讲真系物超所值！食咗个川粤餐！咁啱可以选择辣同唔辣咁咪各叫一个啰！首先嚟过头盘、麻辣牛脷海蜇花、腩仔、牛脷辣到啱啱好、海蜇花都几爽口、腩仔就脆卜卜！之后就嚟咗个炖汤，松茸花胶炖螺头、真系滋补养颜老婆饮到舔舔脷！老婆婆仲话旧花胶真系好鬼正！再嚟就系鲍鱼扣辽参、大佬呀咁嘅价钱居然喺酒店食到呢啲真系抵！出边就咁鲍鱼扣辽参，你都起码$400一个落楼啦！跟住上嘅就系炒斑球、估都估唔到𠮶块星斑球咁鬼厚，出边𠮶啲纸咁薄！而且炒出嚟真系好够镬气！呢个一定要试吓！最尾上嘅系带子浓汤浸菜苗！𠮶粒带子又厚又大粒啲汤够晒浓郁好味！睇落好似得个几样，但系系真心够饱！而且店舖经理仲送埋陈皮红豆沙！买单都系八旧水一位到！心谂真心抵，下次带埋阿妈嚟食！孝敬下佢先