和宴

营业中

休息中

我就快转工啦，就打算同同事们去「和宴」食烧肉当作感谢大家嘅支持！谂住样样都试下就叫咗 Tasting menu，有前菜、和牛、五花肉、海鲜、面类同甜品，感觉好抵食！特制嘅和牛他他法包味道好特别，和牛非常浓郁鲜甜，同法包一齐食，外脆内嫩，小小前菜令人胃口大开！海鲜煎饼炸得非常酥脆，有海鲜嘅甜味，海鲜口感非常爽口！ 牛板腱同牛舌芯系同事最钟意嘅，切得非常薄，烧起嚟更加香脆！牛板腱沾上蛋黄，口感滑顺，味道真系无得顶！仲有沾上盐葱汁嘅牛舌芯，咸香味喺口中散开，无得顶！上牛排肉嘅雪花非常靓，肉质滑爽，油脂融化后，满口都系浓郁嘅牛肉香气！来自澳洲嘅牛肩肉眼有独特嘅风味，口感软腍，非常美味！唔止和牛，仲有五花肉、海老同帆立贝。五花肉烧得外皮香脆，肥瘦相间，香甜多汁！仲有海老同帆立贝都非常新鲜，味道鲜甜，口感有嚼劲，海鲜同烧肉一样出色！甜品有黑糖珍珠雪糕，唔会太甜，珍珠都非常Q弹，食起嚟特别清爽！食完雪糕嚟碗热乎乎嘅鸡肉乌冬真系好暖胃，汤底香浓。当然仲少唔到今代司日本酒，口感柔顺，大家都好欣赏。今晚同同事真系食得好开心！食物方面都好适合我哋，希望大家保持联络！