黑布小巷

营业中

休息中

黑布小巷系一间人气台式餐厅，虽然喺工业中心，但周六日都预左要等一阵先有位。佢地嘅Menu选择唔算太多，其中最出名要数佢地嘅双重瀑布芝士吐司，佢地另外仲有卤肉饭、小食、三色圆糖水同台茶，全部都系几十蚊有交易。黑布台式香肠($28)  - 香肠一咬开啲肉汁爆晒出黎，好弹口，超正！花枝丸($38) - 可以拣淮盐或者鬼椒辣粉，我拣左前者，唔会太咸，花枝丸几弹口，份量对版。台式肉蛋芝士吐司($53) - 终于黎到戏玉喇~!!吐司唔算好大份，不过都够食，每件吐司入面有两块谷饲猪扒，肉质唔会太鞋，煎蛋系半熟蛋汁都爆晒出黎，所以一定要带另附嘅胶手套食。古早味手工卤肉饭($48) - 卤肉饭睇落唔算好大碗，但其实塞到满晒，白饭上面铺满卤肉，卤肉偏肥，加埋卤肉汁，捞匀食，每一啖饭都食倒卤肉，食晒都真系几饱。桂花雪梨罗汉果茶(跟餐加$12)桂圆杞子玫瑰三色圆($38) - 糖水唔会太甜，里面都有六粒龙眼肉，三色圆系芋圆、地瓜圆同紫薯圆，三款都好烟韧弹牙唔会太实太硬。总结，味道唔错，特别钟意佢个蛋吐司，国食份量都唔少，每样野都系几十蚊有交易，仲唔洗加一，性价比高，不过要预左lunch hour可能要等位。